Ադրբեջանը միգուցե պատրաստվում է երկարատև պատերազմի

Արցախում լայնամասշտաբ պատերազմը շարունակվում է։ Վաղ առավոտյան հակառակորդը վերսկսել է հարձակողական գործողությունները՝ կիրառելով հրետանային միջոցներ, զրահատեխնիկա, այդ թվում՝ «ՏՕՍ» ծանր հրանետային համակարգ։Հայկական ստորաբաժանումները սառնասրտորեն դիմագրավում են ադրբեջանական ստորաբաժանումների ոտնձգությունները և ձեռնարկում համապատասխան գործողություններ՝ պատճառելով հակառակորդին անձնակազմի և տեխնիկայի զգալի կորուստներ։ ՊԲ-ն հաղորդում է նախկինում կորցրած մի շարք դիրքեր վերականգնելու մասին, իսկ Արցախի նախագահը խոսում առաջխաղացման մասին։ Ցավոք սրտի մենք ունենք զոհեր՝ 31-ը, Ադրբեջանը ավելի քան 200 զոհ ունի։ Եվ ուշագրավ է, որ ադրբեջանական մամուլն ու սոցցանցերը հիստերիայի մեջ են․ տեղեկություն է տարածվել, որ հայկական կողմը գերի է վերցրել իրենց գեներալ Մայիս Բարխուդարովին, որը, ի դեպ, 2016-ին հայտարարել էր, թե իրենք կարող են Երևան հասնել, կարծես թե երազանքը նրա իրականաություն է դարձել։ Թեմայի շուրջ զրուցակիցը քաղաքական մեկնաբան Հայկ Խալաթյանն է։