Այդ երեք քաղաքական ուժերին էլ վերացնել է պետք, դրանք քաղաքական ուժեր չեն: Այս մասին Երևանի փողոցներում «Առաջին լրատվական»-ի հարցախույզի ժամանակ նշեց Երևանի բնակիչներից մեկը՝ անդրադառնալով հարցին, թե արդյոք պատրաստվում է մասնակցել ԲՀԿ, ՀՅԴ և «Հայրենիք» կուսակցությունների կազմակերպելիք հանրահավաքին:
Մեկ այլ երևանցին էլ նշեց, որ հանրահավաքին չի մասնակցի, որովհետև ոչ մի ուժն էլ գիտությանն ուշադրություն չի դարձնում:
Մեկ ուրիշն էլ ասաց. «Սա մեր տունն է, հայոց տունն է, մենք պետք է կարողանանք իրար ճանաչել, իրար ներել, համբերատար լինել: Բոլորս ներքուստ ապրենք նույն նպտակի համար: Իսկ այդ նպատակը մեկն է՝ Արցախ-Հայաստանի զորացումը, այսինքն այն երազը, որ դարերով եկել հասել է մեզ: Դրա համար այն ամենը, որ կատարվում է, մարդկային որակ է: Նժդեհը դեռ 100 տարի առաջ գրել է, որ կուսակցությունները եսի արտացոլանքն են, որը քայքայում, բզկտում է հայ ազգի միասնությունը»:
Անդրադառնալով այդ երեք ուժերին, նա ասաց. «Անկեղծ պետք է լինել, եթե մարդն անկեղծ չի, այդ կեղծը դուրս է գալիս հետո կյանքի ընթացքում»:
