Նորվեգիայի ոստիկանությունն ընդունել է, որ իրենց դեռևս հայտնի չէ Ուտեյա կղզում երիտասարդական ճամբարի ժամանակ Անդրես Բրեյվիկի սպանած մարդկանց ճշգրիտ թիվը:
Կղզում դադարեցվել են զոհվածների որոնման աշխատանքները, սակայն դեռևս դիտարկվում է հարակից ջրային տարածքը, որտեղ նույնպես կարող են սպանվածներ լինել:
Ավելի վաղ ոստիկանությունը հայտարարել է, որ պարզել են ևս 24 սպանվածի ինքնությունը: Այսպիսով, առայժմ հայտնի է 41 զոհվածի ինքնությունը: Սակայն զոհվածների մասին տեղեկատվությունը ժամ առ ժամ փոխվում է: Ներկայումս հաստատվել են 68 մարդու զոհվելու մասին տեղեկությունները. նրանք դարձել են կղզում տեղի ունեցած հրաձգության զոհը, ևս 8 հոգի զոհվել է Օսլոյում տեղի ունեցած պայթյունի հետևանքով: Այս մասին հայտնում է BBC գործակալությունը: