Լուրեր
Կառավարությունը տնային աշխատանքը չկատարեց․ Տնտեսության գոյացման աղբյուրներին վտանգ է սպառնում
  • 10:00
  • 2020-09-18
  • Դիտումներ՝ *

Կորոնավիրուսը բերեց մի շարք տնտեսական ու սոցիալական բարդություններ։ Շատերն ասում էին, որ Հայաստանում լինելու է տնտեսական և սոցիալական կոլապս։

Այս կանխատեսումներն արդյո՞ք արդարացան․ «Առաջին լրատվական»-ի հարցին ԱԺ «Իմ քայլը» խմբակցության պատգամավոր Գևորգ Պապոյանը պատասխանեց․ «Նախ պետք է ճշգրտենք, թե ինչ է սոցիալական ու տնտեսական կոլապսը։ Եթե չկա նման սահմանում, ապա չենք կարող ասել, թե որն է կոլապսը։ Այդ առումով դրանք ավելի շատ եղել են քաղաքական հայտարարություններ՝ կտրված մասնագիտական բովանդակությունից։ Ավելին ասեմ՝ այնքան կտրված են եղել, այնքան հիմնազուրկ և այնքան քաղաքական, որ մարդիկ Ազգային ժողովի ամբիոնից հայտարարել են, որ Հայաստանում երեք ամիս հետո սով է լինելու։ Իհարկե, տնտեսությունից հեռու նման հայտարարությունները որևէ կերպ իրականություն չեն կարող դառնալ։ Իհարկե, սոցիալական ու տնտեսական դժվարություններ եղել են, որոնք բնորոշ չեն միայն Հայաստանին, այլ, երևի թե, աշխարհի բոլոր տնտեսություններին»։

Կառավարության նիստում վարչապետն ասել է, որ առաջիկայում նոր նախագծեր կիրականացնեն, որոնք կխթանեն շինարարությունը և տնտեսության մյուս ճյուղերը։ Մինչև հիմա կառավարության իրականացրած ծրագրերն արդյո՞ք բավարար եք համարում․ «Առաջին լրատվական»-ի հարցին Աուդիտորների պալատի նախագահ Նաիրի Սարգսյանն ասաց․ «Մինչև այժմ իրականացրած ծրագրերին ես շատ խիստ գնահատական եմ տալիս։ Դրանք ես գնահատում եմ, որպես բյուջետային միջոցների վատնումներ, որովհետև, եթե մենք նայում ենք կատարված ծախսերն արդյունավետության տեսանկյունից, ապա դրանց արդյունավետությունն այնքան էլ լավը չի, կամ շատ դեպքերում բացակայում է։ Օրինակ՝ կառավարությունը չիրականացրեց տնային աշխատանք ու չթիրախավորեց և չսորտավորեց՝ առավել տուժած, նվազ տուժած և չտուժած ոլորտների, և սկսեցին համատարած օգնություն ցուցաբերել»։

 

 

Մանրամասները՝ տեսանյութում։

  • Դիտումներ՝ *