Գուրգեն Մարգարյանի անվան թիվ 94 ավագ դպրոցը՝ պարետատան և Առողջապահության նախարարության սահմանած բոլոր կանոնները պահպանելով, այսօր առավոտյան 8։30-ին հյուրընկալել է աշակերտներին։ Դպրոցի տնօրեն Զինա Խաչատրյանը «Առաջին լրատվական»-ին տեղեկացրեց, որ բոլոր ուսուցիչները նախապես թեստավորվել են, ցավոք սրտի մեկի մոտ հաստատավել է կորոնավիրուսային վարակ։ Վերջինս այժմ մեկուսացված է, բարեբախտաբար հիվանդությունն ասիմպտոմ ընթացք ունի։
Առավոտյան ջերմաչափվել են թե՛ աշակերտները և թե ՛ ուսուսիչները. ոչ ոք չի ջերմել։Դպրոցում թեպետ այժմ վերանորոգման աշխատանքեր են տարվում, դասապրոցեսն ընթանում է բնական հունով։ Աշակերտները միայն դժգոհում են դիմակ կրելուց, ասում են՝ անհարմար է ամբողջ դասաժամի ընթացքում այն կրել, բայց միևնույն ժամանակ նշում են՝ պետք է ամեն ինչ անել վարակի տարածումը կանխելու համար։Նաև նշում են՝ կարոտել էին համադասարանցիներին, դպրոց հաճախելն ավելի է լավ է, քան տանն օնլայն ռեժիմով դասեր անցկացնելը։
Դասասենյակներ են դարձել դպրոցի դահլիճը, բուֆետը, գրադարանը, աշակերտները նստած են մեկ-մեկ, դասարաններում պատերին փակցված են պարետատան կանոները, կա աղմաբան, ախտահանման միջոցներ։ Ուսուցիչներն էլ մեզ հետ զրույցում հույս հայտնեցին, որ առաջիկայում վարակին հրաժեշտ կտանք և հնարավոր կլինի առանց դիմակների դասեր անցկացնել։
