ԱՄՆ պետաքրտուղարությունը նախատեսել է սեպտեմբերին ստեղծել վիրտուալ սոցիալական ցանց, որտեղ կներգրավվեն ԵԱՀԿ անդամ եվրասիական երկրների իրավապաշտպանները: Այս մասին հայտարարել է ԱՄն պետքարտուղարի ժողովրդավարության և մարդու իրավունքների հարցերով տեղակալ Մայքլ Փոսները: Այս մասին հաղորդում է RIA-Novosti գործակալությունը:
«Օգոստոսի կեսին իմ բաժինը կտա կես միլիոն դոլար արժողությամբ նախագծի գնահատականը, որով նախատեսվում է ստեղծել վիրտուալ ցանց իրավապաշտպանների և մարդու իրավունքների ոլորտում ակտիվիստների համար՝ այն երկրներում, որտեղ գործում է ԵԱՀԿ-ն: Մենք պատրաստվում են այն գործարկել սեպտեմբերին և կոչել Helsinki 2.0: Ցանցը կարող է լավ հիմք հանդիսանալ Եվրոպայում և Եվրասիայում իրավապաշտպան գործունեության համակարգման համար»,- ասել է Պոսները:
Փոսները հավելել է, որ ցանցը ստեղծվում է այն բանի համար, որպեսզի համակարգվի իրավապաշտպանների աշխատանքը ԵԱՀԿ ամենամյա գագաթնաժողովների ընթացքում: «Մենք հույս ունենք, որ Helsinki 2.0-ը կմեծացնի ակտիվիստների հնարավորությունները միմյանց և ԵԱՀկ-ի միջև կապ պաշտպանելու համար: Այդ ջանքերը թույլ կտան իրականացնել մարդու իրավունքների պաշտպանությունը թվային այս դարաշրջանում»,- ասել է նա: