«Մենք անընդհատ ասում ենք՝ լրատվամիջոց, լրատվամիջոց… բայց դա սխալ է, որովհետև սա օրենք չէ լրատվամիջոցների դեմ, սա օրենք է ստի, զրպարտության, վիրավորանքի դեմ»,- նշեց ԱԺ փոխխոսնակ Ալեն Սիմոնյանը և հավելեց՝ պարտադիր չէ, որ լրատվամիջոցը գրանցված լինի:
Նրա խոսքով՝ այսօր կան չակերտավոր լրատվամիջոցներ, որոնք հնարած բան են գրում ինչ-որ մեկի կեղծ անունով և տեղադրում իրենց կայքերում. «Այսինքն՝ այստեղ լիովին վակխանալիա է տիրում: Իսկ ինչ անի քաղաքական գործիչը, եթե իր հասցեին վիրավորանք է հնչում: Չգիտես ինչու, բոլորը դարձել են բոլոր թեմաների մասնագետներ և լվանում են քաղաքական գործիչների ոսկորները: Իսկ իրենց պատասխանատվության սանդղակը որտե՞ղ է լինելու: Բնական է, մենք չենք կարող քրեականացնել այս երևույթը»:
Ալեն Սիմոնյանը վստահ է, որ տուգանքի մեծացումը հետ է պահելու նման հրապարակումներից. «Ես հիմա 6 հայց ունեմ, բայց եթե ամեն մեկի հետևից գնայի, կունենայի 60 հայց»:
Մանրամասն՝ տեսանյութում:
