Ադրբեջանական APA լրատվական գործակալության փոխանցմամբ՝ Ադրբեջանի արտգործնախարարության մամլո քարտուղար Էլխան Պոլուխովը մեկնաբանել է Հայաստանի նախագահ Սերժ Սարգսյանի ծաղկաձորյան հայտարարությանը, ինչի կապակցությամբ թուրք-ադրբեջանական կողմը մեծ հիստերիա է բարձրացրել.
«Հավանաբար այն փաստը, որ միջազգային հանրությունն ուշադրություն չի դարձրել «օկուպանտ» երկրի ղեկավարին, «ինչպիսին որ» Սարգսյանն է, հիմք է տալիս պնդելու, որ նա մնալու է անպատիժ։
«Ադրբեջանական օկուպացված» հողերի վերացման հարցով բանակցությունների սեղան նստող հայկական պետության ղեկավարը «խաչ է քաշում» համանախագահող երկրների ջանքերի վրա, որոնք միջնորդական առաքելություն են կատարում ղարաբաղյան հակամարտության կարգավորման գործընթացում։ Դա «անհարգալից մոտեցում» է միջազգային իրավական նորմերի ու սկզբունքների նկատմամբ»։
