Gazeta.ru-ի փոխանցմամբ՝ Ռուսաստանի պատրիարք Կիրիլ Բ-ի Կիևում տեղի ունեցած հետ ունեցած հանդիպման ժամանակ Վրաստանի պատրիարք Իլյա Բ-ն Ռուս ուղղափառ եկեղեցուն առաջարկել է Ռուսաստանի ու Վրաստանի միջև հարաբերությունների կարգավորման հարցում միջնորդի դեր ստանձնել.
«Ես Ձեզ շատ տարիներ եմ ճանաչում։ Դուք պետք է Ռուսաստանի պատմության մեջ մտնեք որպես հաշտարար՝ վերականգնելով երկու ժողովուրդների միջև խաղաղությունը։ Ռուսաստանի ու Վրաստանի միջև ներկայումս ձևավորվել են կատարելապես անթույլատրելի քաղաքական հարաբերություններ։ Հուսով եմ, որ երկու երկրների փոխահարաբերություններում առաջընթաց կգրանցվի»։
Հիշեցնենք, որ սրանից առաջ էլ Իլյա Բ-ն Կիրիլ Բ-ին շնորհակալություն էր հայտնել նրա համար, որ վերջինս հաստատել է, որ Աբխազիան և Հարավային Օսիան գտնվում են Վրաց Ուղղափառ եկեղեցու իրավասության ներքո։ Իլյա Բ-ն Կիև է ժամանել հուլիսի 25-ին՝ մասնակցելու հուլիսի 28-ին Ռուսիո մկրտության օրվա տոնակատարությանը։ Իլյա Բ-ի ուկրաինական այցն ավարտվում է հուլիսի 30-ին։