Աշխարհում կորոնավիրուսով վարակվածների թիվն աստիճանաբար մոտենում է ապաքինվածների թվին:
Վերջին շաբաթվա ընթացքում աշխարհում կորոնավիրուսի վարակի հաստատված դեպքերի թիվը կազմել է 1,8 միլիոն, ապաքինվածների թիվը՝ 1,45 միլիոն:
Ընդհանուր առմամբ, կորոնավիրուս է հաստատվել 24.5 միլիոն մարդու մոտ, որոնցից 16 միլիոնն արդեն ապաքինվել է: Մահացության մակարդակը հասել է 3,4% -ի:
Արևմտյան կիսագնդում դեպքերը նվազում են, Արևելյան կիսագնդում՝ կտրուկ ավելանում: Եվրոպայում լուրջ բռնկումներ են գրանցվում Ֆրանսիայում և Իսպանիայում, մի շարք երկրներ վերադարձել են գարնան տեմպերին, այդ թվում՝ Մեծ Բրիտանիան, Իտալիան և Թուրքիան:
Ինչպես նշում են մի շարք փորձագետներ, վարակվածների թվի արագ աճը պայմանավորված է նաև մի շարք երկրներում թեստավորման ծավալների ավելացմամբ:
Կատարված թեստերի քանակով աշխարհում առաջին տեղում է Չինաստանը, որտեղ արդեն ավելի քան 90 միլիոն հետազոտություն է անցկացվել: Միացյալ Նահանգներում թեստավորումների թիվը մոտեցել է 80 միլիոնին, Հնդկաստանում այդ թիվը մոտ 40 միլիոն է կազմում, իսկ Ռուսաստանում՝ ավելի քան 35,7 միլիոն:
