Ռուսաստանի գիտնականները օդում վիրուսներ հայտնաբերող սարք են ստեղծել, հաղորդում է ՌԻԱ Նովոստին: Սարքի օգնությամբ կարելի է նաև կորոնավիրուսի նմուշ վերցնել, պատմել է Կրասնոգորսկի Զվերևի անվան գործարանի գլխավոր տնօրեն Ալեքսանդր Նովիկովը։ Գործարանի մասնագետները Գամալեայի անվան ԳՀԻ-ի աշխատակիցների հետ համատեղ են ստեղծել սարքավորումը։
Բժշկա-կենսաբանական սարքը ստացել է «Դետեկտոր-ԲԻՈ» անվանումը։ Դրա օգնությամբ կարելի է որոշել ոչ միայն վիրուսների, այլև մանրէների և տոքսինների առկայությունը։
Օդի ավտոմատ անալիզի համար 10-ից 30 րոպե է պահանջվում։
Ինչպես նշել է Նովիկովը, սարքն արդեն անցել է պետական փորձարկումները, բայց այն դեռ հավաստագիր չի ստացել:
«Դետեկտոր-ԲԻՈ»- ն մշակվել է մարդաշատ վայրերում անվտանգությունն ապահովելու համար:
