Ռուսաստանցի պրանկերներ Վովանը (Վլադիմիր Կուզնեցով) և Լեքսուսը (Ալեքսեյ Ստոլյարով) շվեդ էկոակտիվիստ Գրետա Թունբերգի անունից զանգահարել են Դեմոկրատական կուսակցությունից ԱՄՆ նախագահի երեք թեկնածուների: Խոսակցությունների ձայնագրությունը տեղադրվել է YouTube-ում:
Հեղինակների խոսքով, նրանք հեռախոսազրույց են ունեցել սենատորներ Քամալ Հարիսի և Մայքլ Բենետի, ինչպես նաև կոնգրեսական Թուլսի Գաբարդի հետ:
Ձայնագրության համաձայն, ԱՄՆ փոխնախագահի թեկնածու Հարիսը հայտարարել է, որ պատրաստ է համագործակցել Թունբերգի հետ: Պրանկերներն էկոակտիվիստի անունից քաղաքական գործչին ասել են, որ ՄԱԿ-ում ԱՄՆ գործող նախագահ Դոնալդ Թրամփի հետ հանդիպման ժամանակ, նա իբր ասել է, որ ինքը չի հասնի կլիմայի պաշտպանության հետ կապված իր նպատակներին:
«Գրետա, մի զսպիր քեզ: Դուք ունակ ես տեսնելու, թե ինչ կարող է պատահել… Միշտ կգտնվեն մարդիկ, որոնք դեմ են առաջընթացին: Այդպես է եղել միշտ»,- պատասխանել է Հարիսը՝ «աննորմալ» անվանելով Թրամփի պահվածքը:
