Իտալիայի Սամբուկա դի Սիցիլիայի քաղաքապետարանի իշխանությունները նախատեսում են երկու եվրոյով տներ վաճառելու ակցիա սկսել: Նախաձեռնության նպատակն է նոր բնակիչներ բերել քաղաք, հաղորդում է Idealista կայքը:
Նախկինում քաղաքապետարանն արդեն անցկացրել է նմանատիպ վաճառք, ընդ որում այն ժամանակ գինը խորհրդանշական էր՝ 1 եվրո: Վարչակազմում գնի կրկնապատկումը բացատրել են ծրագրի երկրորդ փուլը նշանավորելու ցանկությամբ: «Առաջին փուլը, երբ բնակարանները վաճառվում էին 1 եվրոյով, ծայրաստիճան հաջող էր, երկրորդն իրենից, կարծես թե, առաջընթաց է ներկայացանում»,- նշել է Սամբուկայի քաղաքապետ Ջուզեպպե Կաչիոպպոն:
Ծրագրում նախատեսվում է ընդգրկել ընդհանուր առմամբ 15 շենք: Մասնակցության պայմանները նույնն են՝ գնորդները պետք է երեք տարվա ընթացքում իրենց հաշվին վերականգնեն շենքերը: Նրանք նաև պետք է 5 հազար եվրոյի ավանդ ձևակերպեն տեղական գանձարանում, որը նրանց կվերադարձվի վերանորոգման աշխատանքներն ավարտելուց հետո:
Ըստ Կաչիոպպոյի, վաճառքը նախատեսվում էր սկսել 2020-ի գարնանը, բայց այն հետաձգվել է կորոնավիրուսային համավարակի պատճառով: Այժմ ամեն ինչ պատրաստ է ակցիան սկսելու համար, սակայն Սամբուկայի իշխանությունները սպասում են երկրների միջև տեղաշարժի սահմանափակումների վերացմանը:
