Դատավորների ընդհանուր ժողովի կողմից ՍԴ դատավորի թեկնածու առաջադրված Երվանդ Խունդկարյանի քվեարկության ամփոփմամբ պարզվել է, որ ընտրության ժամանակ գրանցվել է 194 դատավոր, այնինչ քվեաթերթիկների ընդհանուր թիվը 204-ն է եղել: Հաշվիչ հանձնաժողովը հայտարարություն է տարածել այդ մասին՝ հաստատելով Դատավորների ժողովում ընտրությունների ժամանակ քվեաթերթիկների անճշտության մասին լուրերը: Այս ամենը քննարկումների առիթ է դարձել: Հնչում են կարծիքներ դատավորների կողմից, որ ընտրությունները չեղյալ համարելու պահանջով չեն պատրաստվում որևէ գործընթաց սկսել, ինչն ավելի վարկաբեկելի կլինի: Թեմայի շուրջ «Առաջին լրատվական»-ը զրուցել է իրավապաշտպան Նինա Կարապետյանցի և փաստաբան Գևորգ Դավթյանի հետ:
Նինա Կարապետյանցի դիտարկմամբ՝ Դատավորների ժողովի համար դրանից ավելի վարկաբեկելի ոչինչ չի կարող լինել, երբ արդարադատություն իրականացնող համակարգի համար նորմալ է համարվում նախատեսվածից շատ քվեաթերթիկների առկայությունը և դրան չարձագանքելը: «Դա դարձել է հոգեվիճակ, ապրելակերպ, որ խնդիր է առաջացել, բայց պետք է լռեն: Էլ ո՞ւմ մոտ պիտի ամոթով մնան և խայտառակվեն, եթե հասարակությունն էլ գիտի այդ մասին, իշխանություններն էլ հավանաբար լսում են դրա վերաբերյալ քննարկումները, հետևում են և գիտեն, և միջազգային կառույցները վստահաբար գիտեն»:
Գևորգ Դավթյանի դիտարկմամբ՝ անգամ մեկ քվեաթերթիկի առկայությունն արդեն իսկ խայտառակություն է:
Մանրամասն՝ տեսանյութում:
