Իռլանդիայի արտգործնախարարությունը հայտարարել է, որ իրենք անհանգստացած են Բելառուսում կայացած նախագահական ընտրություններից հետո ստեղծված իրավիճակի կապակցությամբ: Դուբլինը հրաժարվել է Ալեքսանդր Լուկաշենկոյին հանրապետության նախագահ ճանաչել:
«Մենք դեռ անհանգստացած ենք Բելառուսում տեղի ունեցող իրադարձություններից: Իռլանդիան խստորեն դատապարտում է մարդու իրավունքների խախտումները, որոնք դիտվում են ընտրակեղծիքներով անցկացված նախագահական ընտրություններից հետո», – նշված է Իռլանդիայի արտգործնախարարության կայքում:
