ՀՀ վարչապետ Նիկոլ Փաշինյանը արտագնա աշխատանքի մեկնողներին հայտնեց, որ պետք է հակահամաճարակային կանոնները պահպանելով հաղթահարենք կորոնավիրուսը, որպեսզի արտերկիր մեկնելու ճանապարհները բացելու հնարավորություն ստեղծվի:
Այս մասին Փաշինյանն ասաց օգոստոսի 17-ին Գեղարքունիքի մարզի Լիճք համայնք այցելության ընթացքում:
«Պետք է դիմակը դնենք, սոցիալական հեռավորությունը պահպանենք, կանոնները պահպանենք, միասին հաղթահարենք կորոնավիրուսը, որպեսզի կարողանանք ճանապարհները բացել»,- ասաց Փաշինյանը:
Փաշինյանը Լիճքում ծանոթացավ ներհամայնքային ճանապարհների ասֆալտապատման աշխատանքներին։
ՀՀ վարչապետ Նիկոլ Փաշինյանին շրջայցի ընթացքում ուղեկցում էին Տարածքային կառավարման և ենթակառուցվածքների նախարար Սուրեն Պապիկյանը և Գեղարքունիքի մարզպետ Գնել Սանոսյանը:
