Հայաստանի գործարարների և արդյունաբերողների միության փոխնախագահ Արմեն Մարտիրոսյանը «Առաջին լրատվական»-ի հետ զրույցում, խոսելով կառավարության նիստի ժամանակ վարչապետ Նիկոլ Փաշինյանի հայտարարության մասին, ըստ որի՝ բիզնես ոլորտը շարունակում է հարկեր թաքցնել ու խաբել կառավարությանը, ասաց, որ բիզնեսով զբաղվող բոլոր մարդկանց «նույն ներկով ներկելը» ճիշտ չէ՝ ազնիվ գործարարներ էլ կան․
«Մեղավորը գործարարներս ենք, որ էդ միտքը հասավ կառավարության նիստին, որովհետեւ դրան նախորդած՝ գործարարների հետ հանդիպմանը վարչապետը փորձնական քայլ արեց եւ մենք լռեցինք։ Ռոբն ու Սերժը տարիներ շարունակ քաղաքական նկատառումներով ուզել են մեզ կռացնել, իրենց լավագույն մասնագետներին լարել են մեր դեմ, ու չեն կարողացել դա անել, իսկ էդ նշանակում է՝ մենք էնպես ենք աշխատել, որ չկարողանան անել։ Դուք պոտենցիալ հարկ չվճարողին քաջալերում եք, որ չվճարի, որովհետեւ դուք նրան էլ եք ասում գող, մեզ էլ եք ասում գող»։
Մանրամասները՝ տեսանյութում։
