Լիբանանի ազգային անվտանգության ծառայությունը դեռեւս 5 ամիս առաջ հետաքննություն էր նախաձեռնել Բեյրութի նավահանգստում մեծ քանակությամբ բորակի պատճառով: Այս մասին հայտնում է լիբանանյան OTV հեռուստաալիքը՝ վկայակոչելով հատուկ ծառայություններում սեփական աղբյուրները:
Ըստ հեռուստաալիքի, հետաքննության արդյունքում պարզվել է, որ նավահանգստում գտնվող անգար 12-ում պահվող նյութերը չափազանց վտանգավոր են: Այդ իսկ պատճառով հրաման է ուղարկվել պետության կողմից պատասխանատու անձ նշանակել նավահանգիստը ղեկավարելու համար:
Դա արվել է հատուկ միջոցներ ձեռնարկելու համար, որոնք կանխում են ցանկացած տեսակի արտակարգ իրավիճակ, ներառյալ պայթյունը: Այսպիսով, որպես միջոցառումներից մեկը, Ազգային անվտանգության ծառայությունն առաջարկել է ստեղծել հատուկ պայմաններ այս բորակը պահելու համար:
«Եթե դրանց կարիքը չլիներ, առաջարկվում էր վաճառել այդ նյութերը»,-ասում է հեռուստաալիքը:
Ըստ աղբյուրի, պայթուցիկ նյութերը եղել են աֆրիկյան երկրներից մեկի դրոշի ներքո գտնվող նավերից մեկում: Այս նավը նավահանգստում լքվել էր նրա տերերի կողմից մի քանի տարի առաջ՝ մեծ պարտքի պատճառով: