Համացանցում մի տեսանյութ է հրապարակվել, որում երևում է, թե ինչպես է ամերիկյան կործանիչ ինքնաթիռը խոչընդոտում իրանական ինքնաթիռի թռիչքը:
Մեկ օր առաջ ԱՄՆ ռազմաօդային ուժերի F-15 ինքնաթիռը մոտեցել էր Mahan Air ուղևորատար ինքնաթիռին Սիրիայի տարածքում գտնվող Ալ Թանֆ շրջանում, որտեղ տեղակայված են ամերիկյան զորքերը:
Օդաչուն ստիպված էր եղել կտրուկ վայրէջք կատարել՝ բախումից խուսափելու համար: Մի քանի մարդ վնասվածքներ են ստացել:
ԱՄՆ-ն հայտարարել է, որ խափանման միջոցը համապատասխանում է միջազգային օրենսդրությանը, և կործանիչը դուրս է եկել, երբ հասկացել է, որ իրանական ինքնաթիռը ուղևորատար է:
Թեհրանը պատասխանել է, որ ուսումնասիրում է միջադեպը և կձեռնարկի բոլոր անհրաժեշտ քաղաքական և իրավական միջոցները:
