Երեկ Լոնդոնի Էջվեբերի գերեզմանատանը տեղի է ունեցել 27-ամյա վաղամեռիկ երգչուհի Էմի Ուայնհաուսի հրաժեշտի արարողությունը:
Բարեկամներն ու հարազատները, որոնց թվում էին բազմաթիվ հայտնի մարդիկ, մինչև վերջ գաղտնի էին պահում հրաժեշտի արարողության վայրն ու ժամը: Այս մասին հաղորդում է Associated Press գործակալություն:
Մինչ այդ Ուայնհաուսի ընտանիքը տեղի սինագոգում կազմակերպել էր հոգեհանգստի արարողություն: Հայտնի է, որ Ուայնհաուսը դիակիզման է ենթարկվելու, մինչ այդ նույնպես հոգեհանգստի արարողություն տեղի կունենա: Հիշեցնենք նաև, որ շաբաթ օրը սեփական տանը մահացած հայտնաբերված Էմի Ուայնհաուսի մարմինը ենթարկվել էր դատաբժշկակն փորձաքննության, սակայն մասնագետները դեռ չեն կարողացել ճշտել մահվան պատճառը:
