«Ստեղծված իրավիճակում «Բարգավաճ Հայաստան» կուսակցության և նրա առաջնորդ Գագիկ Ծառուկյանի տարածած հայտարարությունը, իհարկե, ողջունելի է, որովհետև յուրաքանչյուր ուժ, որը մտածում է ոչ միայն իր քաղաքական, այլ նաև իր պետության շահերի մասին, ապա պարզ է, որ արտաքին թշնամու հետ լարված հարաբերությունների պայմաններում, պատերազմական վիճակում՝ պետք է մի կողմ դնի իր քաղաքական շահերն ու հակասություններն իշխանությունների հետ և լծվի ընդհանուր պայքարին։ Ինչ վերաբերում է ՀՅԴ-ին ու Վանեցյանի գլխավորած «Հայրենիք» կուսակցությանը, որոնք դեռ շարունակում են պահանջել կառավարության և վարչապետ Փաշինյանի հրաժարականը, ապա ես նրանց ևս մեկ անգամ հիշեցնում եմ, որ նրանք այդ իրավունքը չունեն, նրանց այդ քվեն որևէ մեկը չի տվել։ Միայն Հայաստանի Հանրապետության քաղաքացին է, որ ունի այդ իրավունքը և կարող է պահանջել այս կառավարության հրաժարականը, որովհետև հենց քաղաքացին է կատարել իր ընտրությունը և թերևս ներկա դրությամբ՝ քաղաքացիների կողմից, ինչպես տեսնում ենք, նման պահանջ օրակարգում չկա, այլ կա փոխադարձ հարգանք և փոխըմբռնում քաղաքացի-կառավարություն փոխհարաբերությունների մեջ»,- «Առաջին լրատվական»-ի հետ զրույցում ընդգծեց Ազգային Ժողովի «Իմ քայլը» խմբակցության պատգամավոր Արուսյակ Ջուլհակյանը՝ խոսելով ԲՀԿ-ի, ՀՅԴ-ի և «Հայրենիք» կուսակցությունների տարածած հաղորդագրությունների մասին, որոնց մեջ մասնավորապես ԲՀԿ-ն նշել էր, թե այս պայմաններում իրենք դադարեցնում են ներքաղաքական տարաձայնություններն իշխանությունների հետ և արտաքին թշնամու դեմ համաժողովրդական համախմբման կոչ էր անում, մինչդեռ «Հայրենիք»-ն ու ՀՅԴ-ն շարունակում են պահանջել վարչապետ Նիկոլ Փաշինյանի ու գործող կառավարության հրաժարականը։
Մանրամասները՝ տեսանյութում։
