2011 թ. հունվար-հունիս ամիսներին ՀՀ պետական բյուջեն կատարվել է շուրջ 6.6 մլրդ դրամ պակասուրդով՝ նախատեսված 56.3 մլրդ դրամի դիմաց: ՀՀ ֆինանսների նախարարության հաղորդագրության համաձայն, շեղումը հիմնականում պայմանավորված է նրանով, որ բյուջեի ազատ միջոցներից կիսամյակային ծրագրով նախատեսված 56.9 մլրդ դրամից օգտագործվել է ընդամենը 18.0 մլրդ դրամ, իսկ արտաքին աղբյուրներից նախատեսված 22.9 մլրդ դրամի վարկային միջոցներից ստացվել է շուրջ 9.0 մլրդ դրամը: Այն տրամադրվել է Համաշխարհային բանկի կողմից զարգացման քաղաքականության իրականացման երկրորդ ծրագրի շրջանակներում:
ՀՀ Ֆինանսների նախարարության հաղորդագրության համաձայն, անցած ժամանակահատվածում ներքին աղբյուրների գծով պակասուրդի ֆինանսավորման ցուցանիշը կազմել է 21.7 մլրդ դրամ, իսկ արտաքին ֆինանսավորման գծով՝ -15.2 մլրդ դրամ:
