Բրիտանացի գիտնականները կարծում են, որ օդորակիչները, որոնք վերամշակում են սենյակի նույն օդը, պետք է անջատված լինեն: Հակառակ դեպքում դա կարող է մեծացնել COVID-19-ի տարածումը, հայտնում է The Telegraph-ը:
Մեծ Բրիտանիայի Թագավորական ճարտարագիտական ակադեմիայի աշխատակից դոկտոր Շաուն Ֆիցջերալդը, բացատրել է, որ օդորակիչների երկու տեսակ կա՝ ոմանք դրսից «վերցնում են» օդը և նորից «հեռացնում» այն, իսկ մյուսները նույն օդը վերամշակում են հովացման տարրով: Եթե օդորակիչը չունի «արտաքին օդին հատկացված աղբյուրի բաժին», ապա կորոնավիրուսային վարակի տարածման վտանգ կա:
«Մենք առաջարկում ենք բացել պատուհանը և հրաժարվել հովացման ցանկությունից: Եթե քամի կա, դրա շնորհիվ կլինի օդի շրջանառություն: Եթե դուք չեք կարող բացել պատուհանը, ավելի լավ է սարքն ընդհանրապես անջատել»,-ասել է Ֆիցջերալդը: