Ճարտարապետների միության փոխնախագահ Ալեքսանդր Բադալյանը, մեկնաբանելով Հյուսիսային պողոտայի մի հատվածում փլուզվող շենքերից մեկի մասին մամուլում տարածված հրապարակումներն ու շրջանառվող լուրերը, «Առաջին լրատվական»-ի հետ զրույցում ասաց, որ շենքը չի կարող փլուզվել, քանդվել, կարող է ընդամենը մայթը նստել։ «Դա բացարձակապես չի խոսում շենքի վատ որակի մասին»,- ասաց ճարտարապետը՝ ավելացնելով, դրանք «խոհանոցային խոսակցություններ են»։
Այդ խոսակցությունների պատճառը, ըստ ճարտարապետի, այն է, որ ժամանակին մի երկրաբան ասել է, թե այդտեղով ջրեր են հոսում, ինչը, սակայն, չի նշանակում, թե ջրի վրա ենք ընկել։
«Ընդամենը մայթի հետլիցքի հետ կապված խնդիրներ են»,- եզրափակեց Ա.Բադալյանը։
