Հայաստանում անցած մեկ օրում կորոնավիրուսի դեպքերի թիվն աճել է 397-ով՝ հասնելով 17 հազար 64-ի, գրանցվել է հիվանդությունից մահվան ևս 16 դեպք, հաղորդում է Առողջապահության նախարարության Հիվանդությունների վերահսկման և կանխարգելման ազգային կենտրոնը: Հիվանդությունից բուժվածների թիվն ավելացել է 62-ով և հասել 6 հազար 276-ի: Ըստ նույն աղբյուրի՝ իրականացվել է 1276 թեստավորում, ընդհանուր թիվը հասավ 83 հազար 600-ի: Մահվան դեպքերի վերաբերյալ Առողջապահական գերատեսչությունը հայտնում է, որ բուժառուները եղել են 41, 42, 56, 56, 57, 60, 61, 71, 72, 73, 78, 82, 83, 83, 88 տարեկան: Բոլորն ունեցել են ուղեկցող քրոնիկական հիվանդություններ։ Մահացածների ընդհանուր թիվը հասավ 285-ի, կորոնավիրուսով վարակված ևս 94 անձ, ըստ Առողջապահության նախարարության, մահացել է այլ պատճառներով: Այսպիսով, կորոնավիրուսային հիվանդությունից տվյալ պահին Հայաստանում բուժվում է 10 հազար 409 մարդ: Թեայի շուրջ «Առաջին լրատվական»-ը զրուցել է ԵՊԲՀ հանրային առողջության և առողջապահության կազմակերպման ամբիոնի ավագ դասախոս Դավիթ Մելիք-Նուբարյանի հետ:
Արդեն գրեթե կես տարի է, ինչ գիտնականները և բժիշկները փորձում են գնահատել այն վնասը, որը մարդկային օրգանիզմին հասցնում է կորոնավիրուսը։ Չնայած մահացության ավելի քան 400 000 դեպքերին, միլիոնավոր վարակվածներին և հազարավոր հետազոտություններին ու զեկույցներին, պատկերը շարունակում է անորոշ մնալ։ Ինչու՞ դեռ չի հաջողվում պարզել, թե ինչի հետ գործ ունենք։
