Ցուցարարներն Ատլանտայում հրկիզել են Wendy’s ռեստորանը, որի մոտակայքում ոստիկանները մահացու վիրավորել են աֆրոամերիկացի Ռեյխարդ Բրուքսին, հայտնում է Reuters- ը:
Բացի դրանից, ցուցարարները փակել են քաղաքի գլխավոր մայրուղին, հայտնում է գործակալությունը:
Բողոքի ցույցերը սկսվել են Ատլանտայում՝ 27-ամյա Բրուքսի մահից հետո: Ոստիկանության տվյալներով՝ հունիսի 12-ին բաժանմունք են զանգահարել և դժգոհել, որ տղամարդու մեքենան արգելափակում է արագ սննդի կետի տարածքի մի մասը: Ոստիկանները պարզել են, որ Բրուքսը հարբած է և ցանկացել են նրան բերման ենթարկել, բայց Բրուքսին հաջողվել է ուժայիններից էլեկտրաշոկի սարքը խլել և թաքնվել: Ոստիկանները կրակ են բացել տղամարդու վրա: Բրուքսը հոսպիտալացվել է: Վիրահատությունից հետո նա մահացել է հիվանդանոցում:
