Օդային տրանսպորտի միջազգային ասոցիացիան (IATA) կանխատեսում է խոշորագույն ավիաընկերությունների կորուստը՝ 84 միլիարդ ԱՄՆ դոլարի չափով՝ պայմանավորված կորոնավիրուսային համավարակով՝ հայտնում է «ՌԻԱ Նովոստի»-ն:
«2020 թվականը ավիացիայի պատմության մեջ ֆինանսապես ամենավատ տարին կլինի: Միջին հաշվով, այս տարվա յուրաքանչյուր օր ոլորտին հասցնում է 230 միլիոն դոլարի վնաս: Ընդհանուր առմամբ, վնասների չափը կկազմի 84.3 միլիարդ դոլար», – հայտարարել է ասոցիացիան:
IATA-ն նաև կարծում է, որ ավիացիոն ոլորտում համաշխարհային ուղևորափոխադրումները կսկսեն վերականգնվել մինչև 2021 թվականը, և 2020-ի համեմատ՝ կաճեն 55%-ով: Այնուամենայնիվ, այն դեռ 2019-ի մակարդակից ցածր կլինի 19% -ով: