Թուրքիայում Իզմիրի դատախազությունը 191 զինծառայողների նկատմամբ ձերբակալման որոշում է կայացրել, որոնցից 181-ը գործող զինվորականներ են։ Նրանք բոլորը մեղադրվում են ընդդիմադիր քարոզիչ Ֆեթուլահ Գյուլենի հետ կապ ունենալու մեջ, որը համարվում է 2016թ․-ի ձախողված հեղաշրջման կազմակերպիչը: Այս մասին գրում է Anadolu գործակալությունը։
Հայտնի է, որ կասկածյալներին ձերբակալելու գործողություններն իրականացվում են Թուրքիայի 23 նահանգներում։
Ձերբակալվել է արդեն 145 զինծառայող, որոնք մեղադրվում են զինվորական ծառայության ընդունվելու համար Գյուլենի կողմնակիցների կողմից կազմակերպված մեքենայություններին մասնակցելու մեջ։
2016թ․-ի հեղաշրջման փորձի ձախողումից հետո Թուրքիայում ձերբակալվել է ավելի քան 77 հազար մարդ։ Գյուլենի հետ կապերի պատճառով իրենց պաշտոններից զրկվել են մոտ 150 հազար զինվորականներ ու քաղաքացիական անձինք։