Երբ ԱԺ-ում մեզ հարձակում տեղի ունեցավ և քաղաքական մշակույթը տապալվեց, հայտարարել ենք, որ «Լուսավոր Հայաստան»-ն այն ուժն է լինելու, որը լինելու է հաջորդ իշխանությունը։ Այս մասին լրագրողների հետ զրույցում ասաց ԱԺ «Լուսավոր Հայաստան» խմբակցության պատգամավոր Մանե Թանդիլյանը։
Վերջինս նշեց, որ «Լուսավոր Հայաստան»-ին տեսնում են կոնսոլիդացիայի կենտրոն պարզ պատճառով. «Դա այն ուժն է, որին որևէ կերպ չես կարող ահաբեկել, վախեցնել քրեական գործերով, ապօրինի գույքով, թալանով, կաշառքով, կոռուպցիայով, տարբեր դրսևորումներով։ Փորձեցին տարբեր ձևի, բամբասանքի մակարդակի առանց որևէ հիմնավոր փաստարկի խոսել ինչ-որ կապերի մասին, որ ուղղակի զավեշտալի է և խոսում է այդ մարդու որակի մասին, ով հնչեցնում է տարբեր փեսայական կապերի մասին։ Ես այստեղ տեսնում եմ քաղաքական ուժի գործիքակազմ, որ երբ որևէ մեկը քննադատում է իրենց գործողությունը, ապա կարելի է օգտագործել տարբեր գործիքակազմ, այդ թվում նաև մինչ այդ խոշոր սեփականատեր հայտարարածից վերածել քրեական հանցագործի։ Սպառնալու միջոցով նման քաղաքական օրակարգերին արձագանքելն ուղղակի չգիտեմ ինչ աղերս ունի Նոր Հայաստանի հետ»,-ասաց Մանե Թանդիլյանը։
