Բելառուսի էներգետիկայի նախարարությունը նամակ է հղել «Գազպրոմին»՝ առաջարկելով 2020 թվականին հանրապետություն գազի մատակարարման պայմանները, հայտնում է ՌԻԱ Նովոստին՝ վկայակոչելով նախարարության մամուլի ծառայությանը:
Գործակալության տվյալներով՝ նամակում ներկայացված են նաև առաջարկներ գնագոյացման մեթոդաբանության վերաբերյալ՝ 2021 թվականի հունվարի 1-ից:
Բելառուսի էներգետիկայի նախարարությունն, իր հերթին, ակնկալում է, որ գազային հոլդինգի դուստր ձեռնարկությունը կապահովի գազի կալորիականության արժեքը հաշվարկելու անհրաժեշտ եղանակը, ինչի պատճառով կողմերը հաճախ վեճեր են ունենում:
Անհամաձայնությունները լուծելու համար բելառուսական կողմը նշում է, որ անհրաժեշտ է Բելառուսին ներկայացնել գազի իրական ամսական կալորիականության արժեքը որոշելու մեթոդաբանությունը`դրա համապատասխանության չափագիտական հաստատմամբ:
