Ոստիկանի գործողությունների արդյունքում մահացած աֆրոամերիկացի Ջորջ Ֆլոյդի եղբայրը՝ Թերենսը, եկել է եղբոր մահվան վայր, հարգել նրա հիշատակը և հայտարարություն է արել։ Այս մասին հայտնում է NBC Chicago- ն:
«Ես հասկանում եմ, որ մենք բոլորս էլ հուզված ենք։ Բայց ես կասկածում եմ, որ դուք այնքան հուզված եք, որքան ես։ Ես համոզված եմ, որ եղբայրս չէր ցանկանա, որ դուք այս ամենն անեիք։ Խնդրում եմ, ավելի խաղաղ եղեք»,- ասել է Թերենս Ֆլոյդը։
Հիշեցնենք, որ ամերիկյան մի շարք քաղաքներում տեղի ունեցող բողոքի ցույցերը սկսվել են մայիսի 25-ին սոցցանցերում մի տեսանյութի տարածումից հետո, որտեղ ոստիկանը Ջորջ Ֆլոյդ անունով աֆրոամերիկացի տղամարդուն պառկեցրել է գետնին ու ծնկով սեղմում է նրա վզին։ Անտեսելով տղամարդու շնչել չկարողանալու մասին խոսքերը՝ ոստիկանը հրաժարվել է նրան բաց թողնել, ինչի հետևանքով Ֆլոյդը մահացել է: