Բասկետբոլի ազգային ասոցիացիայի (NBA) լեգենդ Մայքլ Ջորդանը մեկնաբանել է ԱՄՆ-ում տեղի ուեցող բողոքի ցույցերը, հայտնում է «Չեմպիոնատ»-ը:
Հիշեցնենք, որ մայիսի 25-ին Միննեապոլիսում ձերբակալման ժամանակ ոստիկանները սպանել են աֆրոամերիկացի Ջորջ Ֆլոյդին: Ողբերգության ֆոնին զանգվածային բողոքի ակցիաներ են տեղի ունենում ավելի քան 20 նահանգներում:
«Ես խորապես ցավում եմ տեղի ունեցածից, իսկապես բարկացած եմ: Ես տեսնում և զգում եմ բոլորի ցավը, նրանց վրդովմունքը և հիասթափությունը:
Ես նրանց կողքին եմ, ովքեր կոչ են անում ԱՄՆ-ում վերջ տալ մարդկանց դեմ ծավալված ռասիզմին և բռնությանը: Բավական է»: – ասել է Ջորդանը:
Ավելի վաղ Լեբրոն Ջեյմսն էր խոսել ԱՄՆ-ում տեղի ունեցած անկարգությունների մասին: