2021 թվականի հունվարի 1-ից ստեղծվելու է անկախ Փաստահավաք հանձնաժողով, որը պետք է զբաղվի 1991-ից մինչեւ 2018-ի մայիս տեղի ունեցած անօրինականությունների ուսումնասիրությամբ: Հանձնաժողովը ձեւավորելու է խորհրդարանը, անդամներ ներկայացնելու են խմբակցությունները, կառավարությունը, ԲԴԽ եւ մարդու իրավունքի Պաշտպանը: Անդամների թիվը լինելու է 9-ը: Փաստորեն այդ հանձնաժողովի կողմից ուսումնասիրության առարկա են դառնալու կեղծված ընտրությունները, դրանց հաջորդած քաղաքական հետապնդումները, բռնաճնշումները, զանգվածային ունեզրկումների դեպքերը, ոչ մարտական պայմաններում զինծառայողների մահվան դեպքերը: Թեմայի շուրջ «Առաջին լրատվական»-ը զրուցել է ԱԺ «Իմ քայլ»-ը խմբակցության պատգամավոր Վլադիմիր Վարդանյանի հետ: