Ամերիկյան բանակի և արաբ-քրդական «Սիրիյի ժողովրդավարական ուժեր» արաբական կազմավորումների պարեկությունը Դեյր էզ-Զորի նահանգում անհայտ անձանց կողմից հարձակման է ենթարկվել, հայտնում է SANA-ն:
Գործակալության տվյալներով՝ անհայտ անձինք օգտագործել են ավտոմատներ և նռնակներ: Տեղի ունեցածի արդյունքում վիրավորվել է երեք ամերիկացի զինծառայող և «ՍԺՈՒ»-ի հինգ մարտիկ:
«Ութ վիրավորները տեղափոխվել են ամերիկյան ռազմակայանի շտաբ, որը գտնվում է Հասակիի հարավում»,-ասվում է հաղորդագրության մեջ:
Ավելի ուշ Պենտագոնի խոսնակ Շոն Ռոբերտսոնը հերքել է ՌԻԱ Նովոստիի տեղեկատվությունն այն մասին, որ ԱՄՆ զինծառայողները Դեյր էզ-Զորում հարձակման են ենթարկվել եւ վիրավորվել: