Այսօր՝ մայիսի 27-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Հանրաքվեի մասին օրենքում փոփոխություն և լրացում կատարելու մասին հարցը:
Ինչպես նշեց օրենքի նախագծի հեղինակ Վահագն Հովակիմյանը, արտակարգ դրության պատճառով ապրիլի 5-ի հանրաքվեն տեղի չունեցավ. «Բայց ի՞նչ պիտի լինի հետո: Այս ամբողջ գործընթացը մենք կարգավորել ենք»:
Նրա խոսքով` եթե արդեն նշանակված է հանրաքվեն, հանձնաժողովի անդամները ազատված են զորահավաքից, և նույնիսկ ցանկության դեպքում նրանք չեն կարող գնալ և ծառայել, ինքնաբացարկի հնարավորությունից էլ են նրանք զրկվում, որովհետև այդ կարգավորումը չկա: «Այդ իսկ պատճառով հանրաքվեն չեղարկվելու ինստիտուտը նույնպես ներդրվում է. դա պետական անվտանգության հարց է»,- հավելեց նա:
Մանրամասները՝ տեսանյութում: