«Տվյալ թեման ես մշտապես արծարծում եմ։ Այստեղ պետք է ամեն ինչ շատ հաշվարկված լինի, պահի տակ չլինի։ Սա առանձին միավորի կամ նույնիսկ առանձին պետության պառլամենտի միջոցով չլուծվող հարց է, որովհետև միջպետական համաձայնագրերը դրանք երկու պետությունների բանակցությունների խնդիր են, այսինքն՝ ինչ ցանկություն դու ունենաս բարի նպատակներով կամ այլ նպատակներով դա պետք է միջպետական բանակցությունների հարց լինի»,-«Առաջին լրատվական»-ի հետ զրույցում ասաց ԱԺ ԲՀԿ խմբակցության պատգամավոր Միքայել Մելքումյանը՝ անդրադառնալով ազգային-ժողովրդավարական բևեռի հայտարարությանը, որտեղ իշխանություններից պահանջվում է կազմել հանձնաժողով՝ ՌԴ-ից ստացվող գազի մատակարարման վերաբերյալ համաձայնագրերի վերանայման նպատակով։