Սա անհրաժեշտ է երկրում հրադադարը շարունակելու և միջ-աֆղանական բանակցությունների սկիզբը դնելու համար, ասել է Ազգային անվտանգության խորհրդի պաշտոնական ներկայացուցիչ Ջավադ Ֆիզալը
Երեքշաբթի օրը Աֆղանստանի իշխանությունները հայտարարել են, որ «Թալիբան» արմատական շարժման 900 կողմնակից ազատ է արձակվել բանտերից: Այս մասին, ինչպես հայտնում է աֆղանական 1TV հեռուստաալիքը, ասել է Ազգային անվտանգության խորհրդի պաշտոնական ներկայացուցիչ Ջավադ Ֆիզալը:
Ինչպես նշել է Ֆիզալը, «Թալիբանի կողմնակիցները ազատ են արձակվում երկրում հրադադարը շարունակելու և միջաֆղանական բանակցությունները սկսելու համար»: Նշվում է, որ իշխանությունները թալիբներին ազատում են Աֆղանստանի մի քանի նահանգներում տեղակայված բանտերից:
Երկուշաբթի օրը Թալիբանի 100 կողմնակիցներ իշխանությունների կողմից ազատ արձակվեցին Պարվանի նահանգի Բաղրամ բանտից: Կիրակի օրը Աֆղանստանի նախագահ Աշրաֆ Գանին հրամայել է բանտերից ազատ արձակել մինչև 2000 թալիբների՝ որպես բարի կամքի նշան՝ ի պատասխան Իդ ալ-Ֆիտր մուսուլմանական տոնի ժամանակահատվածի ընթացքում արմատական շարժման հայտարարած հրադադարին:
Մայիսի 11-ին Աֆղանստանի իշխանությունները հայտարարեցին Թալիբանի գրոհայիններին ազատ արձակումը ժամանակավոր դադարեցնելու մասին:
