Անցյալ շաբաթ Վոլգա գետում խորտակված «Բուլգարիա» նավը քիչ-քիչ մոտենում է ջրի մակերեսին: Այն ջրից հանելու գործընթացն, ըստ մասնագետների, այսօր կարող է ավարտին հասցվել: Ջրի մակերեսին արդեն երևացել են նավի ալեհավաքները և վերին տախտակամածը:
Լրագրողներին հաջողվել է մեկ-երկու նկար անել, որտեղ հստակ երևում է նավի վերնամասը:
Նավը դուրս հանելու գործընթացը խիստ գաղտնի է պահվում: Դուրս բերելուց հետո այն կտեղափոխեն հատուկ վայր, որտեղ կիրականացվի նավի ուսումնասիրությունը և կպարզեն նավի խորտակվելու պատճառը: Հիշեցնենք, որ «Բուլգարիա» նավի խորտակման պատճառով նավի վրա գտնվող 201 մարդկանցից 114 մահացել են: Նրանց մեջ եղել են շատ երեխաներ: