Թուրքական Samanyolu Haber-ի փոխանցմամբ՝ Պաղեստինի առաջնորդ Մահմուդ Աբասը մասնավոր ինքնաթիռով ժամանել է Ստամբուլ։ Օդանավակայանում Աբասին դիմավորել են Ստամբուլի փոխնահանգապետը և արտգործնախարարության բարձրաստիճան ներկայացուցիչներ։
Թուրքիայում Աբասը հուլիսի 23-24-ը մասնակցելու է Պաղեստինի դեսպանների կոնֆերանսին։ Բացի Պաղեստինի բոլոր դեսպաններից, կոնֆերանսին մասնակցելու են նաև Պաղեստինի արտգործնախարարության ներկայացուցիչները, ինչպես նաև Թուրքիայի վարչապետ Ռեջեփ Էրդողանն ու արտգործնախարար Ահմեդ Դավութօղլուն։
Էրդողանն ու Դավութօղլուն Աբասի հետ ունենալիք հանդիպումների ժամանակ քննարկելու են երկկողմանի հարաբերությունների խնդիրը, Պաղեստինում տիրող իրավիճակը, Մերձավորարևելյան խաղաղ գործընթացը և տարածաշրջանային վերջին զարգացումները։
Հիշեցնենք, որ Մահմուդ Աբասը վերջին անգամ Թուրքիա էր ժամանել հունիսի վերջին։