ԱՄՆ ազգային անվտանգության նախարար Ջանեթ Նապոլիտանոն հայտարարել է, որ ներկա պահին ահաբեկչությունների իրականացման վտանգն ԱՄՆ-ում ավելի քիչ է, քան 10 տարի առաջ, երբ 2001 թ. սեպտեմբերի 11-ին ահաբեկչական հարձակման ժամանակ այդ երկրում զոհվեց մի քանի հազար մարդ: Նապոլիտանոն սակայն նշել է, թե երաշխիք չկա, որ ահաբեկչությունները չեն կրկնվի: Այս մասին հաղորդում է Associated Press գործակալությունը:
«Այն հարցի պատասխանը, թե արդյո՞ք ԱՄՆ դարձել է ավելի անվտանգ՝ «այո» է: Սակայն ոչ մի երաշխիք չի կարող լինել, քանի որ վտանգները պարբերաբար փոխվում են»,- հայտարարել է Նապոլիտանոն: Նրա խոսքերով՝ թեպետ ամերիկյան օդանավակայաններում սեպտեմբերի 11-ից հետո ուժեղացվել են անվտանգության միջոցառումները, սակայն ԱՄՆ կառավարությունը մշտապես ստանում է ահաբեկչական վտանգի մասին հետախուզական տվյալներ: