Ամերիկյան ռեալիթի շոուի աստղ Քիմ Քարդաշյանը Հայոց ցեղասպանության 105-րդ տարելիցի կապակցությամբ Twitter- ի և Instagram-ի իր էջերում տեղադրել է գրառումներ և լուսանկարներ:
«Այսօր Հայոց ցեղասպանության 105-րդ տարելիցն է: Ես այնքան հպարտ եմ, որ Ամերիկան ճանաչեց Հայոց ցեղասպանությունը», – գրել է Քիմը:
Աստղը որոշել է բաժանորդների հետ կիսել անիմացիոն կարճամետրաժ ֆիլմ`«Ցեղասպանության թոռները», որը ստեղծվել է երաժիշտներ Արամ Բաժակյանի, Ալան Սեմերջյանի և նկարիչ Գևորգ Մուրադի կողմից:
«Ֆիլմի բոլոր ստեղծողները ցեղասպանությունը վերապրածների թոռներ են: Դիտեք այս ֆիլմը` ի հիշատակ Հայոց ցեղասպանության զոհերի», – գրել է Քիմը:
Նաև ամերիկահայ հեռուստաաստղը հրապարակել է 2015-ին և 2019-ին Ծիծեռնակաբերդի հուշահամալիր այցելությունների իր լուսանկարները:
Alan & Aram also did a collaboration/time-lapse video with artist Kevork Mourad, which is the first track on the album and live now. Watch this video in honor of the Armenian Genocide and the Armenian Genocide Remembrance Dayhttps://t.co/JQk25uzLqM
— Kim Kardashian West (@KimKardashian) April 24, 2020
