Ադրբեջանական Trend լրատվական գործակալության փոխանցմամբ՝ Ադրբեջանի նախագահի աշխատակազմի հասարակական-քաղաքական հարցերի վարչության պետ Ալի Հասանովը պատասխանել է միգրացիոն հարցերին նվիրված նիստի ժամանակ Հայաստանի նախագահ Սերժ Սարգսյանի արած այն հայտարարությանը, թե Ադրբեջանում բացակայում են նորմալ ընդդիմությունն ու խոսքի ազատությունը.
«Ադրբեջանում տիրող իրավիճակը, քաղաքական կուսակցություններն ու նրանց գործունեությունը, երկրում «ազատ» մամուլի և «ազատ» խոսքի առկայությունն այն նորմերն են, որոն գնահատվում են համայն աշխարհի կողմից։
Ի տարբերություն Հայաստանի՝ Ադրբեջանում քաղաքական ընդդիմությունը չի գնդակահարվել խորհրդարանում, չի գնդակահարվել միանգամից 10 մարդ, ովքեր այլ կերպ են մտածում և դուրս են եկել միտինգի։ Նմանատիպ իրադարձություններով հարուստ Հայաստանի պաշտոնատար անձինք իրենց չպետք է համեմատեն Ադրբեջանի հետ»։
Հասանովի խոսքերով՝ օտար երկրները բազմիցս Ադրբեջանին համեմատել են հետխորհրդային այլ երկրների հետ և մշտապես նախապատվությունը տվել են Ադրբեջանին՝ ի տարբերություն Հայաստանի։
