Հայաստանում անցած մեկ օրում կորոնավիրուսի դեպքերի թիվն աճել է 48-ով՝ հասնելով 1339-ի, գրանցվել է մահվան ևս երկու դեպք, հաղորդում է Առողջապահության նախարարության Հիվանդությունների վերահսկման և կանխարգելման կենտրոնը: Հիվանդությունից բուժվածների թիվն ավելացել է 35-ով և հասել 580-ի, իրականացված թեստավորումների ընդհանուր թիվը 13 հազար 373 է: Այսպիսով, կորոնավիրուսային հիվանդությունից տվյալ պահին Հայաստանում բուժվում է 737 մարդ: Մահացածների ընդհանուր թիվը 22 է: Թեմայի շուրջ «Առաջին լրատվական»-ը զրուցել է ԵՊԲՀ գիտության գծով պրոռեկտոր, պրոֆեսոր Կոնստանտին Ենկոյանի հետ: