Ինչպես գրում է The Guardian-ը, Մեծ Բրիտանիան ստեղծում է հատուկ ծրագիր, որի շրջանակներում յուրաքանչյուր տարի կընդունի մոտ հազար տաղանդավոր երիտասարդի, որոնք աչքի են ընկնում գիտության և արվեստի բնագավառում: Չորեքշաբթի օրը Մեծ Բրիտանիայի ներգաղթի հարցերով նախարար Գեմիեն Գրինն ասել է, որ սահմանվել են չորս պետական մարմիններ, որոնք կարող են երկրում մշտական բնակության հրավիրել օտարերկրացի տաղանդավոր մարդկանց:
Գրինն ասել է, որ 300-ական ներգաղթյալ կարող են հրավիրել Անգլիայի արվեստի խորհուրդն ու Թագավորական կազմակերպությունը, ևս 20-ական մարդ՝ Թագավորական ինժեներական ակադեմիան և Բրիտանիայի հումանիտար և հասարական գիտությունների ակադեմիան: Այս կազմակերպություններին թույլատրվում է հրավիրել ոչ միայն տվյալ ոլորտների առաջատարներին, այլ նաև հեռանկար ունեցող անձանց:
Այս ծրագիրն ընդունվել է այն բանից հետո, երբ բրիտանական մի շարք կազմակերպություններ բողոքել էին ներգաղթի գործող քաղաքականությունից, որը թույլ չի տալիս զարգացնել գիտությունը ներգաղթյալների հաշվին:
