Թեև Արցախում երեկ տեղի ունեցած ընտրությունների նախնական արդյունքները դեռևս հրապարակված չեն, սակայն, արդեն իսկ պարզ է դառնում, որ թեկնածուներից որեւէ մեկին չի հաջողվել հավաքել 50+1 ձայն, ինչը նշանակում է, որ Արցախում տեղի է ունենալու ընտրության երկրորդ փուլ:
Այդ մասին գրառում է կատարել նաև Արցախում դիտարդական առաքելություն իրականացրած «Իրազեկ քաղաքացիների միավորում» հասրակական կազմակերպության ծրագրերի համակարգող Դանիել Իոաննիսյանը: «Արցախի բոլոր 8 տարածքային ընտրական հանձնաժողովների մեր դիտորդներից ստացված աղյուսակավորումներն ու մեր հաշվարկները գալիս են վկայելու, որ նախագահի որևէ թեկնածու չի հավաքել ձայների 50 տոկոսը և ապրիլի 14-ին լինելու է երկրորդ փուլ (չեմ խոսում դրա էպիդեմիոլոգիկ հետևանքներից)։
Հարկ է նկատել, որ այս թվերը կարող են փոփոխվել վերահաշվարկի ժամանակ, իսկ թեկնածուներից Հարությունյան Արայիկին, մեր հաշվարկով, չնչին քանակությամբ ձայներ են պակասել 50 տոկոս հավաքելու համար։
Տարածքային հանձնաժողովներում դիտորդները մնացել են միջև վերջին տեղամասի արձանագրության ժամանումը, իսկ ես ժամը 5-ն անց եմ ԿԸՀ-ից դուրս եկել։ Կարող եմ հավաստել, որ պաշտոնական տվյալների ուշացումը օբյեկտիվ է»,-գրել է Իոաննիսյանը։
Սպասվում է, որ ընտրությունների նախանական արդյուքները կհրապարակվեն երեկոյան 20:00-ին:
