ԵԱՀԿ մամուլի ազատության հարցերով ներկայացուցիչ Հարլեմ Դեզիրը մտահոգություն է հայտնել կորոնավիրուսի դեպ պայքարի շրջանակում մարտի 23-ին Հայաստանի վարչական և քրեական օրենսգրքերում ներկայացված փոփոխությունների փաթեթի կապակցությամբ: Այս մասին տեղեկանում ենք ԵԱՀԿ կայքից:
«Լիովին հասկանում ենք կորոնավիրուսի համավարակի ժամանակ խուճապից խուսափելու, ագրեսիայի ու ապատեղեկատվության դեմ պայքարի համար նոր օրենքի նպատակը: Միևնույն ժամանակ, մեդիան առանցքային դեր ունի հանրությանը տեղեկատվություն ներկայացնելու և համավարակի վերաբերյալ կեղծ լուրերին հակազդելու առումով: Օրենքը չպետք է խոչընդոտի լրագրողների աշխատանքին ու համավարակի մասին հաղորդելու նրանց կարողությանը: Միայն կառավարության տված տեղեկատվության հրապարակումը շատ սահմանափակող միջոց է, որը կարող է սահմանափակել լրատվամիջոցների ազատությունը և տեղեկատվությանը հասանելիությունը», – ասել է Դեզիրը:
