Ինչպես գրում է ֆրանսիական France Soir թերթը, Ֆրանսիայում ավելացել են դեպքերը, երբ բախումներ են լինում վրացիների մասնակցությամբ, ինչը, ըստ իրավապահների, խոսում է այն մասին, որ այդ երկրում ավելացել է Արևելյան Եվրոպայի քրեական խմբավորումների ազդեցությունը: Դա հատկապես վերաբերում է Վրաստանին: Ոստիկանության կոմիսար Դիմիտրի Զուլան ասել է, որ սա նոր երևույթ չէ։ Այն սկիզբ է առել 21-րդ դարի առաջին տարիներին: 2008-2010 թթ. քերական հետապնդման են ենթարկվել 33%-ով ավելի շատ վրացիներ, քան նախորդ տարիներին: Փորձագետներն ասում են, որ «օրենքով գողերին» հաջողվել է իրենց խմբավորումները ձևավորել Ֆրանսիայի տարածքում:
Նշվում է, թե շաբաթ չի անցնում, որ դատական համակարգը վեր չհանի մաֆիոզական բռնկման նոր փաստեր եվրոպական այդ երկրում: Որպես օրինակ է բերվում այս տարվա մայիսին Նիցցայում չեչենի և հայի սպանությունները, որոնք գնդակահարվել էին վրացու կողմից: Դրանից հետո մահափորձ իրականացվեց վարցի Վլադիմիր Ջանաշիայի դեմ: Թերթը գրում է, որ սրանք բոլորը «օրենքով գողեր են»` քրեական խմբավորումների ներկայացուցիչներ, որոնք հիմնականում վրացիներ են։ Երևույթը սկիզբ է առնում ցարական և ստալինյան բանտերից:
Այս բոլոր սպանությունները Ֆրանսիայում հաստատվելու փորձեր են: Նշվում է, որ «օրենքով գողերը» հաստատվել են Ֆրանսիայի գրեթե բոլոր խոշոր քաղաքներում: Այստեղ մեծ ֆինանսական ներդրումներ են կատարում երկու խոշոր` Քութայիսիի և Ուսոյանի (Դեդ Հասանի) կլանները: Սակայն եթե Իսպանիայում նրանք արդեն գնում են լյուքս հյուրանոցներ, ապա Ֆրանսիայում խոսքը դեռ փոքր խանութների և բարերի մասին է, որոնց հիմնական այցելուները իրենց համերկրացիներն են:
Դիմիտրի Զուլան ասել է նաև, որ դեռ «կնքահայրերի» վերջնականապես արմատախիլ անելու ժամանակը չէ, սակայն հայտնի է, որ Արևմտյան Եվրոպայի երկրներում նրանք հարյուրն են:
