Հուլիսի 19–ին տեղի ունեցած արտահերթ նիստում Երևանի ավագանին միաձայն կողմ քվեարկությամբ հավանություն է տվել Երևան քաղաքի բյուջեում փոփոխություն կատարելու և, ըստ այդմ, բյուջեի վարչական մասի պահուստային ֆոնդից «Երևանե հիմնադրամին բյուջետային ծախսերի տնտեսագիտական դասակարգման «Նվիրատվություններ այլ շահույթ չհետապնդող կազմակերպություններինե մասով գումար հատկացնելու մասին որոշման նախագծին։ Հարցի վերաբերյալ որպես պարզաբանում Երևանի քաղաքապետը նշել է, որ գումարները կծախսվեն անկախության օրան նվիրված և «Երևանի օրե տոնակատարություններին նվիրված միջոցառումների ծրագրերի իրականացմանը, ինչի արդյունքում կստեղծվեն Երևան քաղաքի համար կարևոր գեղագիտական արժեքներ։
Ավագանու որոշմամբ գումար կհատկացվի նաև քաղաքապետարանի ենթակայության դպրոցների 1–ին, 5 և 6–րդ դասարանի աշակերտների համար գրենական պիտույքների ձեռքբերման նպատակով։
Երևանի ավագանին հավանությանն է արժանացրել քաղաքապետարանի ենթակայության նախադպրոցական ուսումնական հաստատությունների բյուջետային փոփոխության առաջարկությունը, ինչը, ինչպես որոշման նախագիծը հիմնավորելիս նշել է քաղաքապետարանի ֆինանսական վարչության պետը, պայմանավորված է մանկապարտեզների ախատաժամերի երկարացմամբ պայմանավորված նոր հաստիքների ավելացմամբ , ինչպես նաև վարիչների աշխատավարձերի բարձրացմաբ։
Ավագանին միաձայն քվեարկությամբ հաստատել է նաև «Երևանի քաղաքային տրանսպորտի կայուն զարգացման ներդրումային ծրագրի համաձայնագիրը հաստատելու մասին» որոշման նախագիծը։ Խոսքը Երևանի քաղաքապետարանի և Ասիական զարգացման բանկի միջև կնքված համաձայնագրով իրականացվելիք ծրագրի մասին է, որով նախատեսվում է մայրաքաղաքում իրականցնել մի շարք, այդ թվում մայրաքաղաքի տրանսպորտային բեռնաթափմանն ուղղված Երևանի կենտրոնը շրջանցող ճանապարհաշինական աշխատանքներ։
Ավագանին միաձայն հավանություն է տվել նաև «Երևան Տրանսպորտ Օփերեյշն» սահմանափակ պատասխանատվությամբ համատեղ ընկերություն ստեղծելու մասին» Երևան քաղաքի ավագանու որոշման նախագծին։ Ընկերությունը, ինչպես նշել է քաղաքապետարանի աշխատակազմի զարգացման և ներդրումային վարչության պետը, կզբաղվի վճարովի ավտոկայանման ավտոմատացված կայանատեղերի միջոցով կայանման կառավարման համակարգի ներդրմամբ։
Նախատեսվում է մայրաքաղաքում տեղադրել շուրջ 400 ավտոկայանման սարքավորում, որոնցից յուրաքանչյուրը կսպասարկի 24 կայանատեղի։
Մայրաքաղաքում ընդհանուր առմամբ կգործի շուրջ 9600 ավտոկայանատեղ։ Գործարարության առաջին տարվա ընթացքում ընկերությունը կապահովի 36 աշխատատեղ, ինչն առաջիկայում կավելանա՝ հասնելով 84–ի։
Երևանի ավագանին միաձայն քվեարկությամբ հաստատել է նաև «ՀՀ Երևանի քաղաքապետարանի և ՌԴ Սանկտ Պետերբուրգի Կառավարության միջև 2011-2014թթ. առևտրատնտեսական, գիտատեխնիկական, հումանիտար համագործակցության ծրագիրը հաստատելու մասին», ինչպես նաև օրակարգում ընդգրկված մյուս հարցերը։
