ԱԺ պատգամավոր, դաշնակցական Լիլիթ Գալստյանը, «Առաջին լրատվական»-ի հետ զրույցում անդրադառնալով երեկ իշխող կոալիցիայի կազմած աշխատանքային խմբի և ՀԱԿ ներկայացուցիչների ձևավորած պատվիրակության անդամների հանդիպմանը, մասնավորապես ասաց, որ իր համար ՀԱԿ – իշխանություն երկխոսությունն արդեն դարձել է «ձանձրալի թեմա», որովհետև եթե անգամ լրատվական դաշտում վերլուծություններ են երևում, ապա դրանք «մտքի վարժանքներ են»։
Ըստ նրա՝ քաղաքական լուրջ վերլուծություններ անելուց առաջ հարկավոր էր հստակեցնել, թե ինչ լիազորություններով պետք է օժտված լինեն բանակցող կողմերը, քանի որ նրանք պարզ հայտարարել էին, որ հստակ օրակարգ չկա։
«Ինձ համար հարց է մնում, թե որքանով է օրակարգն ազգային ու որքանով է պատասխան տալիս Հայաստանի արտաքին ու ներքին մարտահրավերներին»,- ասաց պատգամավորը՝ նշելով, թե վերջիններս ֆուտբոլային տերմինով ասած՝ խաղում են «հավելյալ ժամանակի վրա»։
«Ինձ համար հստակ չէ այն ազգային օրակարգը, որի շուրջ բանակցում են»,- ասաց Լ. Գալստյանը։
