Ֆլորիդա նահանգի բնակիչ 17-ամյա Թայլեր Հեդլին ձերբակալվել է սեփական ծնողների սպանության կասկածանքով: Ինչպես հաղորդում է CNN հեռուստաալիքը, Թայլերը մոր և հոր մարմինները թաքցրել է սենյակում և խնջույք կազմակերպել:
Երիտասարդի մոր և հոր մարմինները հայտնաբերել է ոստիկանությունը, որն այստեղ է ժամանել անանուն զանգից հետո: Մարմնի վրայի հետքերից ոստիկանները եզրակացրել են, որ զոհերը սպանվել են մուրճի հարվածներով: Դիակները խնամքով թաքցված են եղել սրբիչների, գրքերի և այլ իրերի տակ:
Մինչ սպանության ենթադրվող պահը Թայլերը Facebook սոցիալական ցանցի միջոցով մոտ 40-60 մարդ է հրավիրել իրենց տուն: Մասնակիցներն ասել են, որ խնջույքի ժամանակ այդ տանը ասեկոսեներ են պտտվել, թե Թայլերը սպանել է ծնողներին: Ոստիկանության ժամանելուց հետո երիտասարդը հրաժարվել է շփվել նրանց հետ: Այլ կասկածյալներ չկան: Ենթադրվում է՝ Թայլերը դժգոհ է եղել, որ ծնողները չեն թույլատրել նրան տանը խնջույքներ և հավաքույթներ կազմակերպել:
